Hornstrandir

Nú styttist óðum í Hornstrandaferðina sem er búin að vera ansi lengi á teikniborðinu. Undirbúningurinn hefur því miður ekki tekist sem skyldi, en ætlunin var í byrjun vors að æfa stíft fram á ferð og skokka upp á hvern tindinn af öðrum, en ég afrekaði einungis að fara upp á Óshyrnu, Sauratinda og Naustahvilft (og ég kemst ekki enn í göngubuxurnar sem hlupu eitthvað í skápnum hjá mér í vetur).

En ferðaplanið er að sigla í Hornvík á fyrsta degi og rölta út á bjargið og skoða nærumhverfið. Á degi tvö er áætlaður labbitúr út í Hvanndal og svo í framhaldinu yfir í Hlöðuvík. Á þriðja degi á svo tölta yfir á Hesteyri og fjórði dagurinn verður tekinn á Hesteyri.  Það spáir víst töluverðri bleytu en ég er alveg viss um spáin á eftir breytast og sólin eigi eftir að sýna sig. Mottó ferðarinnar er: Enginn er verri þótt hann vökni.

 

 

Sauratindar

 

 

 

 Nausthvilft            

Athugasemdir

[Harpa Guðfinns. (IP-tala skráð) 25.7.2007 kl. 09:41]

Ohh, hvað ég öfunda ykkur. Það skiptir engu máli þó það rigni á Hornströndum (tala af reynslu), þangað er yndislegt að koma.  Góða ferð og góða skemmtun!

[Edda Agnarsdóttir, 25.7.2007 kl. 23:34]

Eru bara Valkyrjur á Ísafirði?

[Anney (IP-tala skráð) 27.7.2007 kl. 08:44]

Skemtið ykkur rosalega vel í ferðinni og gangi ykkur vel. Ég væri alveg til í að vera að fara með ykkur en það verður bara næst