Lýst eftir svörtum buxum

Hornstrandaferðin var svakalega fín. Veðrið fór fram úr björtustu vonum og það rigndi ekki nema einn dag. Bakpokinn var reyndar full þungur og ég pakka pottþétt aðeins öðrvísi næst. Ajunglak fermingarsvefnpokinn verður líka heima í næstu ferð. Ég tapaði reyndar hlífðarbuxunum mínum á innri Hesteyrarbrúnum ef einhver skyldi eiga þar leið hjá - svartar Cintamani buxur í minni stærð- hófleg fundarlaun í boði (kaffi og með því). Það sem toppaði alveg ferðina var þegar ég vaknaði eldsnemma á sunnudagsmorgunin á Hesteyri í glampandi sól og logni, ég byrjaði á því að draga dýnuna út á tún og horfi svo á rebba skoða umhverfið í dágóða stund.

 

Jörundur og Kálfatindar í bakgrunni

 

Fannarlág

Hesteyri

 

Athugasemdir

[Edda Agnarsdóttir, 30.7.2007 kl. 23:17]

Rosalega hlýtur að vera gaman að geta horft á Rebba og jafnvel börnin hans eins  og sumum hlotnast.

[Þorleifur Ágústsson, 31.7.2007 kl. 11:40]

Hvað á það að þýða að þvælast um buxnalaus á Hornströndum. Það þarf náttúrlega að setja svona lið í umhverfismat áður en þeim er mokað í land á friðlandinu.....

[Anney (IP-tala skráð) 31.7.2007 kl. 13:16]

Þetta hefur verið alveg frábært....og þið heppin með veður. Gaman að sjá myndir, ég hélt kannski að það kæmi ein af þér á brókinni eftir að buxurnar glötuðust? Svona til að vekja samúð lesenda

[Harpa Guðfinns. (IP-tala skráð) 31.7.2007 kl. 21:07]

Flottar myndir, en verst með buxurnar. Hefði þó viljað sjá þig brókarlausa spásserandi um á Hornströndum. Tel víst að þetta séu samskonar buxur og hanga hérna inn í skáp og veit því að þetta er mikill missir. Mínar eru þó því miður ekki lengur notaðar í göngur heldur einstaka ferð á róló í rigningunni.

[Edda Agnarsdóttir, 31.7.2007 kl. 23:00]

Vaá hvað rebbamyndirnar eru flottar.