Allt er þegar þrennt er

Mér var nú hugsað til Séra Kalla þegar ég las tilkynninguna frá Matís um þorskeldisrannsóknirnar í Ísafjarðardjúpi. Hann var fyrsti flutningsmaður þingsályktunartillögu um rannsóknir á þorskeldi árið 1999. Tillöguna þurfti hann að leggja fram þrisvar ásamt félögum úr Samfylkingunni áður en hún var samþykkt, en það var svo árið 2002 að Alþingi samþykkti tillöguna.

http://www.althingi.is/altext/127/s/0056.html

Þessi tillaga hefur sennilega látið lítið yfir sér fara í upphafi - en séra Kalli hefur greinilega verið með framtíðarsýnina á hreinu.  Ég sat þorskeldisráðstefnu á vegum RF nú Matís ohf síðasta sumar og þar kom fram að velta þorskeldisrannsókna í Ísafjarðardjúpi væri  tæpar 130 milljónir á ári, svo þessar rannsóknir mikið að segja hér á svæðinu. Svo í lokin er gaman að geta þess að séra Kalli er í framboði fyrir Samfylkinguna hér í Norðvestrinu.

Mér skilst á að í Noregi séu útflutningsverðmæti eldisþorsks meiri en villts þorsks - svo það er mikið vit í þessu.

 

Þorskar sendir í þungunarpróf

Athugasemdir

[fable (IP-tala skráð) 21.2.2007 kl. 20:46]

Það er alltént í farvatninu alger sprenging í þorskeldi hér í Noregi, stöð sem ég starfa við hér kemur til með að framleiða 2 millj. seiða á næsta ári, og með lækkandi seiðakostnaði m.a.v einfaldari frumfóðrun, og þokkalegum verðum á eldisþorskinum hér má gera ráð fyrir að hægt verði framleiða umtalsvert meira magn en nú er gert. Þar sem lifun í seiðaeldinu heima hefur gengið  ágætlega hefðu fyrirtæki þurft að setja meiri kraft í matfiskeldið fyrr. En allavega er gaman að sjá að vestfirðingar sýna þessu eldi áhuga.