Það verður spennandi að fylgjast með frönsku forsetakosningunum

Ég held með Sègoléne Royal, frambjóðenda Sósíalista og vona að hún verði fyrst kvenna til að verða forseti Frakklands. Ég held að Frakkland þurfi virkilega á henni að halda til þess að hrista aðeins upp í stjórnkerfinu þeirra og takast á við þau vandamál sem frakkar standa frammi fyrir. Franska stjórnkerfið birtist mér sem afar þungt og formlegt, og ekki síst karllægt.

Nú er bara að vona að hún komist í seinni umferð en það kemur í ljós á sunnudaginn. Seinni umferðin verður 6.maí og þá kemst það á hreint hver verður næstu forseti Frakklands. Annars eru þriðjungur kjósenda ekki enn búnir að ákveða sig svo allt getur gerst.

Leiðin til betri heims er að Royal verði forseti Frakklands, Ingibjörg Sólrún verði forsætisráðherra Íslands og að lokum Hillary Clinton forseti Bandaríkjana.  Ævisaga Hillary er reyndar á náttborðinu hjá mér og ég verð að viðurkenna að lesningin gengur nú ekkert alltof vel. En ég hef þetta af lokum - ég verð að komast að því hvort að bæjarins bestu pylsur hafi ratað í bókina. En fyrir þá sem muna voru víst Clinton hjónin afar hrifin af þessum þjóðarrétti okkar Íslendinga þegar þau heimsóttu okkur um árið.

 

„Ségolène hefur það“

Athugasemdir

[Edda Agnarsdóttir, 21.4.2007 kl. 15:40]

Hugsaðu þér allar þessar konur í forustu? Ég var bara ekki búin að sjá/skoða þetta í þessu ljósi! Frábært.

x-S