Pólitík á heimilinu

Ég var að renna yfir sögur frá 3.bekk á heimasíðu Grunnskólans og fann eftirfarandi sögu eftir dóttur mína: 

Landsfundur Samfylkingar og Sjálfstæðisflokksins.

Landsfundir Samfylkingar og Sjálfstæðisflokksins voru haldnir í Reykjavík 12. apríl til 14. apríl. Ræðurnar Sjálfstæðisflokksins og svo Halldór bæjarstjóri Ísafjarðarbæjar hélt fimm ræður. Tvær tókust hræðilega illa. Ræðurnar Samfylkingar tókust vel nema þrjár ræðurnar.

Í gærkveldi lenti svo faðirinn í þriðju gráðu yfirheyrslu um ríkisstjórnarmyndanir og ráðherraskipan, og ekki síst af hverju kvenráðherrar væru ráherrar en ekki ráðfrúr.

Það er greinilegt að pólitík hefur komið til tals einu sinni jafnvel tvisvar á heimilinu

Athugasemdir

[Sigurlaug Anna (IP-tala skráð) 23.5.2007 kl. 14:18]

dásamlegt!  Skilaðu kveðju til Hafdísar frá Jóhönnu Freyju og Katrínu.

[Anney (IP-tala skráð) 24.5.2007 kl. 11:26]

Frábært!...Það verður pólitískt heimili í framtíðinni hjá Hafdísi og Aroni en hann hefur einmitt mikinn áhuga á þessum málum. Hann er búinn að yfirheyra mig um stefnumál allra flokkanna og er verulega svekktur og finnst sér misboðið að mega ekki kjósa.

[Anna Gunnlaugsdóttir (IP-tala skráð) 25.5.2007 kl. 13:36]

Hvaðan ætli þessi áhugi komi. kannski hún geti verið með þér í baráttunni í næstu kosningum.

[Arna Lára Jónsdóttir, 25.5.2007 kl. 23:11]

Ég er ánægð með að póltískt uppeldi tengdasonarins tilvonandi sé í góðum höndum.