klukki klukk

Og ég sem þekkt fyrir að slíta keðjubréf... En 10 staðreyndir um sjálfa mig, listinn er hvorki í stafrófsröð né í forgangsröð.

1. Ég er með ókláraða meistararitgerð (en það stendur þó til bóta). 

2. Ég á 6 lopapeysur.

3. Ég sakna enn dönsku krónikunnar.

4. Hef einungis átt tvo bíla um ævina (með aðstoð Lýsingar); mitsubishi galant og núverandi bíl Subaru legacy. 

5. Ég les mjög mikið - en mest af dægursnakki.

6. Ég hef ekki enn lært að meta bókina Sjálfstætt fólk eftir Laxness (það kannski kemur með árunum).

7. Ég hef flutt 22 tvisvar sinnum um ævina - afrekaði að eiga heima tvo daga á Baldursgötunni.

8. Styð sænskann efnahag með því að versla í H&M þegar tilefni gefst til.

9.  Ég kaus Fönk-listann í bæjarstjórnarkosningunum 1996 (mamma heldur enn að ég hafi kosið Kvennalistann - en Fönklistinn hefur ekki boðið aftur fram svo ég hef kosið rétt síðan.) 

10. Ég kann að prjóna.

Ég á von á því að allir hafi verið klukkaði í kringum mig svo ég er ekkert að klukka neinn. 

Athugasemdir

[Edda Agnarsdóttir, 22.7.2007 kl. 15:42]

Ég á ýmislegt sameiginlegt með þér, það er nr. 3, 5, 6 og 8 Heyrðu í hvaða stjörnumerki ertu?

[Arna Lára Jónsdóttir, 23.7.2007 kl. 22:16]

Ég er tvíburi.

[Edda Agnarsdóttir, 24.7.2007 kl. 15:08]

Ég er naut - en þú ert næst á eftir er það ekki rétt hjá mér?