Háskóli Vestfjarða

Við fulltrúar Í-listans á Fjórðungsþingi Vestfirðinga sem haldið var á Tálknafirði um helgina áttu frumkvæði að ályktun stofnun Háskóla Vestfjarða sem samþykkt var samhljóða.  

Ályktunin var á þessa leið:

52. Fjórðungsþing Vestfirðinga, haldið á Tálknafirði 7. - 8. september 2007 samþykkir að stofnaður verði Háskóli Vestfjarða.

Fjórðungsþing Vestfirðinga felur stjórn sambandsins að kalla þegar til fulltrúa Háskólaseturs, sveitafélaga, rannsóknastofnanna, fyrirtækja og félagasamtaka til undirbúnings málinu. Stefna ber að stofnun sjálfstæðs háskóla strax á næsta ári og hefja kennslu haustið 2008.

Þetta var mikilvægasta ályktunin sem samþykkt var á þinginu að mínu mati. Nú er bara að bretta upp ermar og fara beint í málið. Mér skilst að það sé búið að gera ráð fyrir uppbygginu háskólasamfélags á Suðurtanga eins og sjá á meðfylgjandi mynd:

Er ekki málið að fara að byrja að byggja??

 

Athugasemdir

[Ester Rut Unnsteinsdóttir, 10.9.2007 kl. 18:53]

Það er aldeilis Arna Lára 

Ég og "mitt" melrakkasetur fögnum akademískri uppbyggingu fyrir vestan - nemendur háskólans mega gjarnan koma í verkefni hjá setrinu þegar fram líða stundir

Esterebbi 

[Fulltrúi fólksins, 10.9.2007 kl. 20:30]

Það væri æðislegt ef þessar tímasetningar ganga upp.  Annað sem ég hugsaði um þegar ég sá þetta deiliskipulag, hvað ætli það taki langan tíma uppbyggingin á þessu svæði?  Er ekki verið að horfa á næstu 20+ árin?  Þegar maður hefur verið í Reykjavík er tilfinningin sú að við úti á landi séum í bakkgír á meðan Norðurland er í 3, Austurland í 4 og Rvík svæðið í OVERDRIVE.  Bara mín skoðun.