Munnurinn skrúbbaður

Mikið var ég ánægð með árangurinn í gær - ég þurfti alveg að hugsa mig tvisvar um þegar ég vaknaði morgun; gerðist þetta í alvöru?? Kærar þakkir allir þeir sem studdu mig. Nú er það næsti slagur framundan. Öll ráð vel þegin - en þau verða samt að vera lögleg. 

Nú þarf ég að fara að passa orðbragið. Eftir 11 fundi, vítt og breitt um kjördæmið og mjög prúða framkomu, missti ég nokkur orð sem ekki voru við hæfi á 12 fundinum á Ísafirði. Ég fattaði það um leið og þau runnu út. Þetta kallast að tala vestfirsku að hætti sumra en alls ekki við hæfi á virðulegum framboðsfundi. Ég iðrast og lofa að taka mig á - eins gott að amma heyrði ekki til mín.

 

Athugasemdir

[Hilmar Gunnlaugsson, 9.3.2009 kl. 21:50]

Til hamingju með árangurinn Arna mín og gangi þér allt í haginn.

[Hólmfríður Bjarnadóttir, 9.3.2009 kl. 23:03]

Þú meinar, ekki prófa grænsápu. Ég smakkaði hana á fyrstu árunum mínum og hún er VOND.

[Einar Ben, 10.3.2009 kl. 09:15]

Til hamingju með árangurinn Arna, þú ert vel að þessu komin og vonandi fáum við að sjá þig á þingi eftir kosningar.

kv.

[Eggert Hjelm Herbertsson, 10.3.2009 kl. 17:42]

Arna, það er í góðu lagi að tala íslensku.....innan marka. Ég veit ekki hvað þú sagðir á þessum fundi á heimavelli en á mínum heimavelli stóðstu þig mjög vel.

Nú hefst baráttan um að koma þér á þing - það verður skemmtilegt verkefni.