Sundlaugarmál og sundmót

Blönduósbær stendur nú frammi fyrir tveimur valkostum í byggingu nýrrar sundlaugar. Til þessa hef ég getað huggað mig við það að Sundhöll Ísafjarðar sé allavega skárri en sundlaugin á Blönduósi. Þetta er nú meira hallærið.

Þegar ný sundlaug verður risin á Blönduósi þá get ég ekki munað eftir verri aðstöðu til sundiðkunar en í sundhöllin okkar ef horft er framhjá laugum eins og Seljavallarlaug og lauginni í Reykjanesi.

Þetta aðstöðuleysi varð m.a. til þess að Vestfjarðarmótið í sundi var haldið í Bolungarvík - en sunddeild Vestra hélt utan um mótið. Ekki þóttu aðstæður á Ísafirði boðlegar. Mótið lukkaðist einkar vel fyrir utan smá eld sem varð til þess að hætta varð við nokkrar greinar. Á mótið mættu lið frá Grindavík, Breiðablik og Húnum frá Hvammstanga - og voru mörg þeirra að keppa í fyrsta skipti í 16 m laug.

     

 

Símasala

Ég held að það sé stór grænn hringur fyrir aftan nafnið mitt í símaskránni. SÁÁ, Samhjálp, Ljósið og fleiri góð samtök hafa fundið mig í símaskránni. Þrjú símtöl á þremur kvöldum fer að verða svolítið dularfullt.

You´re Chile

You're Chile!
You're really skinny, and kind of bumpy in frame, but you're not as rough a person as you used to be.  You like long, long, long walks on the beach and avoiding having your rights violated, just like anybody else does.  You're even willing to stand up to those with more power and influence than you, trying to bring them to justice.  Fight the man!
Take the Country Quiz at the Blue Pyramid 

... ég er  fegin að ég er ekki Bandaríkin - það hefði verið lummó.

Hver fattaði upp á stofna Háskóla Vestfjarða?

Það skiptir mig ekki nokkru máli hver fattaði upp á því - en aðalmálið er að koma hlutunum í framkvæmd. Þess vegna áttu við Í-lista fólk frumkvæði að því að draga fram þessa frábæru hugmynd og framfaramál fram í dagsljósið, fyrst með ályktun um stofnun sjálfstæðs háskóla sem öll bæjarstjórn Ísafjarðarbæjar samþykkti sl. vetur og síðar með ályktun sama um efni sem Fjórðungsþing Vestfirðinga samþykkti samhljóða á síðustu helgi.

Ég myndi helst vilja að við gætum öll átt þessa frábæru hugmynd saman - en ef það eru einhverjir sem eiga meira í henni en aðrir þá fyndist mér það vera ungliðar stjórnmálaflokkanna sem stóðu fyrir ráðstefnunni "Með höfuðið hátt" sem stofnuðu Háskóla á Silfurtorgi sumarið 2004. 

Atvinnustefna a la carte

Ég hef heyrt þá fullyrðingu nokkuð oft síðustu daga og vikur að við höfum ekki efni á því að hafna olíuhreinsistöð. Því er ég algjörlega ósammála. Ég tel að höfum valkosti og þurfum ekki að vera nauðbeygð undir aðra.

Dauði eða olíuhreinsistöð?  Við þurfum ekki að selja okkur svona ódýrt.

Háskóli Vestfjarða er eitt stærsta framfaramálið okkar.

Í dag eru á níunda hundrað manns sem stundar nám á Bifröst, 1397 nemendur voru í Háskólanum á Akureyri árið 2006 og 117 nemendur í Hólaskóla sama ár.  Þessar tölur ættu að fylla okkur bjartsýni þegar við erum að feta fyrstu skrefin í að stofnaður verði sjálfstæður Háskóli Vestfjarða. Áhrif háskólasamfélags mun hafa mikil áhrif á samfélag okkar, og þurfum við ekki annað en að líta til Hólaskóla, Bifrastar eða til Háskólans á Akureyri til sannfærast um mikilvægi málsins. Með nemendum mun að sjálfsögðu fylgja kennarar og þjónusta og verslun myndu eflast á svæðinu.  Menntun og rannsóknir eru forsenda nýsköpunar í atvinnulífinu.  Við þurfum að umbreyta samfélagi okkar úr því að vera frumframleiðslusamfélag í að verða þekkingarsamfélag, þess vegna ætti það að vera eitt af forgangsmálum að setja á fót hér frumgreinadeild samhliða hugmyndum um háskóla hafsins.

Uppbygging rannsóknarstarfsemi er okkur nauðsynleg til framþróunar, má þar nefna uppbyggingu rannsóknum tengdum hafinu, rannsóknum tengdum sögu okkar og menningu svo fátt eitt sé nefnt.

Netþjónabú myndi sóma sér vel í vestfirskri samfélagi. Vestfirðir eru sennilega ákjósanlegastir undir slíka starfsemi þar sem við erum utan jarðskjálfta- og eldgosasvæði.  Í-listinn hefur lagt fram ýtarlegar tillögur í atvinnumálum, m.a. hafa birst á bb.is svo ekki þarf að efast um hug okkar eða trú til atvinnuuppbyggingar á svæðinu.

Stjórnvöld verða að sjá til þess að grunngerðin sé í lagi.  Hugsum okkur ef;

- ljósleiðarinn væri hringtengdur

- sem og raforkukerfið okkar,

- við hefðum hér boðlegar samgöngur,

- að það væri jafnræði til náms,

- við hefðum leyfi til að nýta auðlindir okkar,

- við fengum að stunda viðskipti við útlönd óhindrað o.s.frv.

Þá væri ég ekki í efa um að byggð væri með blómlegasta móti á Vestfjörðum. Ég fæ það oft á tilfinninguna að stjórnvöld hafi verið að vinna gegn framþróun á svæðinu síðustu áratugi þegar staðreyndir málsins eru skoðaðar. Við þurfum góða grunngerð til þess að renna styrkari stoðum undir atvinnulífið og skapa ný tækifæri. 

Ég get ekki annað séð að þær hugmyndir um atvinnuuppbyggingu sem ég aðhyllist sé í fyllsta samræmi við markmið þess fyrirtækis sem ég starfa fyrir, sem er að efla atvinnulíf og mannlíf á Vestfjörðum.

Það að ég hafi ekki skrifað undir áskorun til stjórnvalda um að gleyma ekki Vestfjörðum við úthlutun kolefnislosunarkvóta er ég ekki að skrifa undir dauðadóm Vestfjarða. Ég trúi því ekki að olíuhreinsistöð muni bjarga byggð á Vestfjörðum, en hins vegar trúi ég á okkur Vestfirðinga að bjarga okkur sjálf - ef við fáum tækifæri til þess.

Má ekki styggja ráðherranna?

Spyr Birna Lárusdóttir forseti bæjarstjórnar Ísafjarðarbæjar, starfandi formaður bæjarráðs Ísafjarðarbæjar og varaþingmaður Sjálfstæðisflokksins í norðvesturkjördæmis í grein sem hún birti á bb.is í dag. Mér ferst nú best að svara fyrir sjálfa mig og langar að benda á greinarhöfundi á að ég er í pólitík af hugsjón en ekki en ekki til þess að verja tiltekna hagsmuni eða stjórnmálamenn. Ég hef markað mér þá persónulegu stefnu sem bæjarfulltrúi í Ísafjarðarbæ að ég hugsa fyrst og fremst um hagsmuni sveitarfélagsins míns, svo hagsmuni þess stjórnmálaflokks sem ég er hluti af og að lokum um persónulega hagsmuni. 

Orðatiltækið Margur heldur mig sig virðist eiga einkar vel við málflutning Birnu.

Vinsælasta mamman í leikskólanum!

Ég var ekki beint vinsælasta mamman í leikskólanum í dag þegar ég sótti þrjár fjögurra ára vonsviknar stelpur. Ég hafði lofað að fara með Helenu og tvær vinkonur hennar í fyrsta ballett tímann sinn. Ballettinn hefur verið eitt vinsælasta umræðuefnið í margra daga á heimilinu og fylgdi mikil tilhlökkun því að fá að fara. Stundum gerist eitthvað í hausnum á manni sem gerði það að verkum að ég var sannfærð um að ballettinn ætti að byrja kl. 15 en eftir að önnur móðirin hringdi var mér gert ljóst að tíminn hefði byrjað kl. 13.

Ég reyndi að lágmarka skaðann með því að bjóða upp á ís í Hamraborg í staðinn   Veit ekki hvort það hefur virkað.

Vinkona Helenu taldi best að mamma hennar færi með þær næst.  

Háskóli Vestfjarða

Við fulltrúar Í-listans á Fjórðungsþingi Vestfirðinga sem haldið var á Tálknafirði um helgina áttu frumkvæði að ályktun stofnun Háskóla Vestfjarða sem samþykkt var samhljóða.  

Ályktunin var á þessa leið:

52. Fjórðungsþing Vestfirðinga, haldið á Tálknafirði 7. - 8. september 2007 samþykkir að stofnaður verði Háskóli Vestfjarða.

Fjórðungsþing Vestfirðinga felur stjórn sambandsins að kalla þegar til fulltrúa Háskólaseturs, sveitafélaga, rannsóknastofnanna, fyrirtækja og félagasamtaka til undirbúnings málinu. Stefna ber að stofnun sjálfstæðs háskóla strax á næsta ári og hefja kennslu haustið 2008.

Þetta var mikilvægasta ályktunin sem samþykkt var á þinginu að mínu mati. Nú er bara að bretta upp ermar og fara beint í málið. Mér skilst að það sé búið að gera ráð fyrir uppbygginu háskólasamfélags á Suðurtanga eins og sjá á meðfylgjandi mynd:

Er ekki málið að fara að byrja að byggja??

 

Allt að gerast í sundlaugarmálunum

En ég vissi greinilega bara ekki af því - ef marka má bæjarstjórann. http://bb.is/Pages/26?NewsID=105154 

Ég vona svo innilega að allt sé að gerast í þessu máli- það er kannski að bæjarstjórinn skýri frá því á bæjarstjórnarfundinum á morgun. 

p.s. Össur Skarp er alveg að gera sig í heitavatnsleitarmálum.

Dönsk stemming á Ísafirði

Ísbíllinn er farinn að venja komur sínar á Ísafjörð - mætir á Engjaveginn annan eða þriðja hvern laugardag. Við vöndumst þessu afar vel í Kaupmannahöfn en hann mætti fyrir utan kollegíð annan hvern miðvikudag. Við íslendingarnir voru án efa einna bestu viðskiptavinirnir í hverfinu. Við fjölskyldan vorum svo vel vön bjöllum bílsins að þegar klukkur Hallgrímskirkjur hringdu klukkan 6 á aðfangadag á okkar einu dönsku jólum (sem við hlustuðum að sjálsögðu á - í gegnum netið) hélt frumburðurinn að ísbílinn væri mættur á svæðið.